Wasiirka difaaca xukuumadda federaalka Soomaaliya, Xasan Xuseen Xaaji, ayaa shir guddoomiyay kulan looga hadlayay howlgalada ciidamada iyo xaaladda kala guurka dalka, kaas oo ka dhacay magaalada Muqdisho.
Kulanka waxaa looga hadlay sidii ciidanka xoogga dalka mas’uuliyadda amniga dalka ugala wareegi lahaayeen AMISOM, wasiirka gaashaandhigga ayaa sheegay in diyaargarowga ciidanka xoogga dalka meel wanaagsan marayo.
Shirka waxaa ka qeybgalay dalalka Soomaaliya ka taageera dib u dhiska ciidanka xoogga dalka, waxayna sheegeen in ay ka go’an tahay garab istaaga Soomaaliya xilliga kala guurka.
