Wasiirka Wasaaradda Gaadiidka iyo Duulista Hawada Xukuumadda Faderalka Soomaliya Xildhibaan Fardowsa Cismaan Cigaal,ayaa Xafiiskeeda ku qaabishay Safiirka Midowga Yurub ee Soomaaliya Danjire Karin Johansson.
kulanka oo la xiriiray Iskaashiga dhinacyada Gadiidka iyo Duulista oo ku dhisan horumarinta adeegga iyo khibrad wadaag, Taas oo gacan ka gaysanaysa in howlwadeennada Wasaradda ay ka heli karaan Midowga Yurub , Tababaro iyo khibrad wadaag, si loo sii wado hiigsigeenna ah in nidaamka Duulista Rayidka ee dalkeenna uu noqdo midka ugu horumarsan Afrika.
Wasiirka Wasaaradda Fardowsa, ayaa uga mahadcelisay Safiirka Midawga Yurub,Taageerada ay ku bixso Midawga Yurub Dawlad Dhiska Soomaaliya sida Amniga iyo kaabayaasha Dhaqaalaha Dalka.
Soomaaliya ayaa ku tillaabsatay hormar la taaban karo,Sanadihii ugu dambeeyay.Waxaana laga dareemayaa hormarka Amniga, Duulimaadyada hawada,Kobaca dhaqaalaha. Taas oo ku timid dadaalo buuxo ay sameysay dowladda Soomaaliya.
