Wasiirka Gaadiidka iyo Duulista Hawadaa Xukuumadda Faderaalka Soomaaliya Duran Farah oo shalay galinkii dambe safar ku gaaray magaalada Gaalkacyo ayaa maanta la kulmay qeybaha kala duwan ee Bulshada Gobolka.
Shirkaan oo ay soo qaban qaabiyeen Aqoonyahanka iyo dhallinyarada Gaalkacyo ayaa intii uu socday wasiirka Wasaaradda Gaadiidka wuxuu ku dhagaystay baahiyaha dadka deegaanka ay qabaan.
Nabadoonada iyo dhalinyaradda ka qeybgashay kulanka ayaa wasiirka warbixin ka siiyay dadaaladii lagu bixiyay nabadaynta Gobolka ee uu qeybta ka ahaa, iyagoona sheegay in ay u miro dhaleen si ka badan filashadii la qabay.
dhanka kale Wasiirka Wasaaradda Gaadiidka iyo duulista hawadda ayaa sheegay in uu ka mahadcelinaayo soo dhawaynta loo sameeyay, isagoona adkeeyay in wadajirka iyo nabad kuwada noolaanshaha bulshada Gobolka la adkeeyo.
Wasiir Duraan ayaa inta uu ku sugan yahay Gobolka furaya mashaariic uu horay uga bilaabay Degmada Galdogob ee Gobolka Mudug.
