Shirka xoojinta Iskaashiga iyo Wada-shaqeynta Wasaaradaha Ganacsiga heer Federaal iyo heer dawlad goballeed oo labadii maalin ee lasoo dhaafay ka socday magalada Muqdisho ayaa waxaa Maanta si rasmi ah u usoo xiray Wasiirka ganacsiga iyo Warshadaha Soomaaliya waxaana gabagabadiisa goob joog ka ahaa Wasiirada ganacsiga ee maamul goboleedyada iyo madax ka kala socotay hayโadda UNIDO iyo Safaaradda Talyaaniga ee Soomaaliya oo labadu ba mashaariico ganacsiga lagu horumarinayo kala shaqeeya Wasaaradaha.
Agaasimaha Guud ee Wasaaradda Mudane Cabdicasiis Ibraahim Aadan ayaa sheegay inuu isafgarad ku soo dhamaday kulankooda, isla markaana Wasaaradda Ganacsiga ee Federaalka iyo kuwa maamul goboleedyada ay isku afgarteen in la xoojiyo Qorshooyinka guud ee lagu horumarinayo ganacsiga iyo Warshadaha dalka.
Related posts
Wasiirka Ganacsiga Galmudug Cabduqaadir Cabdullahi Warsame oo ku hadlayay magaca maamul goboleedyada ayaa bogaadiyay masโuuliyiinta Wasaaradda Ganacsiga iyo Warshadaha Soomaaliya, wuxuuna dhinaca kale soo jeediyay in la joogteeyo shirarka noocaan ah si looga shaqeeyo horumarka ganacsi dalka.
