Wafdigan ay hogaaminaysay Wasiirka Wasaaradda Haweenka iyo Xuquuqul insaanka Marwo Sahra Maxamed Cali Samatar ayaa waxaa qayb ka ahaa Xildhibaanno ka tirsan Baaramanka Soomaaliya waxaana garoonka diyaaradaha Cadaado ku soo dhaweeyay mas’uuliyiin ka tirsan Ximan iyo Xeeb, Guddiga Farsamada iyo qaar ka mid ah odayaasha dhaqanka.
Cumar Maxamed Diiriye Wasiirka arrimaha bulshada Ximan iyo Xeeb ayaa magaalada Cadaado ku soo dhaweeyay wafdiga wasiiraddu hogaaminaysay, isaoo xusay in ka maamul ahaan ay aad u soo dhawaynayaan wafdiga wasiiradda.
Wasiirka Haweenka iyo xuquuqul insaanka Soomaaliya Marwo Sahra Maxamed Cali ayaa ka mahadcelisay soo dhawaynta loo sameeyay.
Intaas kadib Ifraax Axmed oo lataliye ka ah Wasaaradda ayaa ka hadashay muhiimadda socdaalka maanta ee Wasiirka Haweenka iyo xuquuqul insaanka, iyado sheegtay in Wasaraddu xooga saarayso sidii kaalinta Haweenka iyo dadka la hayb sooco ay tixgalin ugu heli lahaayeen maamulka laga samaynayo Mudug iyo Galgaduud.
Maxamuud Cabdi Diirshe
