Wasiirka Qorsheynta, Maalgashiga iyo Horumarinta Dhaqaalaha Xukuumadda Jamhuuriyadda Federaaalka Soomaaliya, Mudane Maxamuud Cabdiraxmaan. Sheekh Faarax (Beenebeene) ayaa maanta la kulmay Waaxda Horumarinta Dhaqaalaha iyo Nidaamka Maareynta Macluumaadka ee Deeqaha dalka (Aid Information Management System).
Ujeeddada kulanka ayaa ahayd in dib u eegis lagu sameeyo horumarka laga gaaray hirgelinta qorshaha shaqo ee sanadkii 2023 iyo soo gudbinta qorshaha shaqada ee 2024-ka.
Kulanka ayaa Wasiirka iyo mas’uuliyiinta ka soo qeybgashay waxay kaga hadleen himilooyinka la tiigsanayo kuwaasi oo waafaqsan Qorshaha shanta sano ee Wasaaradda. Guud ahaan kulanku wuxuu ahaa fursad aad u qiimo badan oo lagu qiimaynayay horumarka Wasaaradda iyo qorshaha mustaqbalka.
