Wasiirka Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya, Mudane Maxamuud Cabdiraxmaan Sheekh Faarax (Beenebeene) ayaa maanta xarunta Wasaaradda ku qaabilay Ku-xigeenka Wakiilka Gaarka ah ee Xoghayaha Guud, ahna Isku-duwaha Qaramada Midoobay ee Arrimaha Deegaanka iyo Beni’aadamnimada ee Soomaaliya, George Conway.
Kulanka ayaa diiradda lagu saaray dadaallada wadajirka ah ee loo baahan yahay si loo xaqiijiyo himilooyinka horumarineed ee Soomaaliya si waafaqsan mudnaanta dowladda iyo Qaab-dhismeedka Iskaashiga Horumarka Joogtada ah ee Qaramada Midoobay.
