Wasiirka Warfaafinta Xukuumadda Fedaraalka Soomaaliya, mudane Daa’uud Aweys Jaamac, ayaa maanta daah furay Barnaamijka Hirgeli Hibadaada Faneed, isagoo Abwaannada Soomaaliyeed ugu baaqay in ay doorkooda ka qaataan wacyi gelinta bulshada ee ku aaddan la dagaallanka khawaarijta.
Wasiirka oo la hadlayay Abwaaniinta iyo Suugaanleyda Soomaaliyeed ayaa sheegay in Barnaamijkan lagu soo saaro dhallinyaro cusub oo ka qayb qaadata dhiirri gelinta CXD iyo wacyi gelinta bulshada.
Wasiirka Warfaafinta ayaa ugu dambayn sheegay in Barnaamijka Hirgeli Hibadaada Faneed uu furmi doono 1-da Septembar 2023-ka, isagoo rajo ka muujiyay in barnaamijkani uu miro dhalo, kaas oo qayb weyn ka qaadan doono dagaalka lagula jiro khawaarijta iyo wacyi gelinta bulshada.
