Wasiirka waxbarashada xukuumadda Soomaaliya marwo Khadar Bashiir Cali ayaa maanta waxaa ay kormeer ku tagtay guriga hooyooyinka oo ku yaala degmada Xamar weyne ee gobolka Banaadir, waxaana u jeedka kormeerkan uu ahaa sidii wax ugu ogaan la heyd isla markaana u xog wareysan la heyd masโuuliyiinta ururka haweenka qaranka Soomaaliyeed.
Wasiirka ayaa waxaa ay halkaasi ku booqdatay gabdho Soomaliyeed oo tababar ugu socdo xaruntaasi kuwaas oo la barayo xirfado ay ku shaqeystaan sida tolida dharka iyo farshaxanka noocyadiisa kala duwan.
Guddoomiyaha ururka haweenka gobolka Banaadir Jawaahir Baarqab oo ka hadashay munaasabad kooban oo xaruntaasi lagu qabtay ayaa sheegtay in haweenka Soomaaliyeed ay dhibaato badan heysato, iyadoona tilmaantay in guriga hooyooyinka uu astaan u yahay dhamaan haweenka Soomaliyeed.
Canab Xasan Cilmi oo ah guddoomiye ku xigeenka ururka haweenka Qaranka ayaa sheegtay in haweenka looga baahan yahay in ay qeybtooda ka qaataan dib u soo celinta nidaamka iyo kala dambeynta dalka isla markaana ka shaqeeyaan dib u dhiska Soomaaliya.
Wasiirka waxbarashada xukuumadda Soomaaliya Khadar Bashiir Cali ayaa haweenka Soomaaliyeed u balan qaatay in ay ku taageeri doonto agab waxbarasho iyo macalimiin si kor loogu qaado aqoonta haweenka Soomaaliyeed.
Sawir Qaade: Maxamed Fereysane
