Wasiirka wasaaradda Boostada Mudane Maxamed Jaamac Mursal (Geelle) oo uu waheliyo agaasimaha guud ee wasaaradda Mudane Axmed Xaaji Cabdi ayaa safar shaqo ku jooga magaalada Jabuuti ee dalka aynu walaalaha nahay ee Jabuuti. Wasiirka Geelle ayaa casuumad toos ah ka helay dhiggiisa Mudane Cabdi Yuusuf Suge si ay labada wasaaradood isaga kaashadaan arrimo badan oo la xariira horumarka adeegyada Boostada iyo Isgaarsiinta ee labada dal.
Wafdigu markii uu gaaray garoonka magaalada Jabuuti waxaa soo dhaweeyey wasiirka wasaaradda Boostada iyo Isgaarsiinta dalka Jabuuti Mudane Cabdi Yuusuf Suge iyo Agaasimaha guud ee dalka Jabuuti Mudane Maxamed Casoowe Buux.
Related posts
Madaxda labada wasaaradood ayaa kawada hadli doona arrimo badan oo ay ka mid yihiin iskaaashiga dhinaca Boostada iyo Isgaarsiinta labada dal iyo sidii dawladda Jabuuti uga caawin lahayd wasaaradda Boostada iyo Isgaarsiinta Soomaaliya dhanka tababarada iyo kobcinta xirfadaha shaqaalaha.
Wasiirka iyo agaasimaha ayaa maanta oo Axada booqan doona Xarunta wasaaradda iyo meelaha laga maamulo Xarigga Internet-ka (Fiber Optic) oo gaaraya illaa lix Xarig meesha dalka Soomaaliya uu ka yaalo mid.
Labada wasiir ayaa bishii May la wareegey xilka labada wasaaradood waxuuna safarkani qayb ka yahay xoojinta xiriirka labada dal ee walaalaha ah
