Xaaladda magaallada Beledweyne ee xarunta Hiiraan ayaan dagganayn ayadoo dagaal u dhaxeeya laba maleeshiyo oo ka dhacay shalay iyo xalay.
Dadka degaanka ayaa ku warramaya in xalay dagaal uu xaafadda Howl-Wadaag ku dhex maray labada maleeshiyo beeleed, ayadoo ay ku dhaawacmeen 11 qof.
Sidoo kale dagaalkii shalay dhacay waxaa ku dhaawacmay 29 qof sida ay sheegeen saraakiisha caafimaadku.
Goob-joogeyaal ayaa sheegaya in gurmad uu dhinaca miyiga uga imaanayo maleeshiyaadka dagaallamaya.
Odayaasha dhaqanka degaanka ayaa wada dhaqdhaqaaq ay ku hakinayaan dagaalkan.
