Sagaal ruux ayaa ku geeriyootay magaalada labaad ee ugu weyn dalka Ghana ee Β Kumasi, kadib markii dad ka qeybgalayay xafladda ciidul fitriga ay isku jiireen goob munaasabad ay ka socotay sida laga soo xigtay warbaahinta wadankaas.
Dhacdadaas ayaa dadkii ku dhaawacmay waxaa lagu daweynayaa isbitaal ku yaala magaalada Kumasi, iyadoo mid kamid ah dadka dhaawacmay uu ku jiro xaalad khatar ah sida uu baahiyay Idaacad maxali ah ee lagu magacaabo Joy FM.
Related posts
Waxaa jira warar iskhilaafsan oo ka soo baxaya waxa sababay in dadka xafladda joogay ay is buurtaan.
Mid kamid ah dadka goob jooga ka ahaa xafladda ayaa laga soo xigtay isagoo sheegaya in is buurashada ay keentay markii korontada ay si lama filaan ah ku Β tagtayΒ isla markaana dadkii goobta joogay ka ka naxeen ayna isku dayeen in ay ka baxaan hoolka.
Goob jooge kale ayaa sheegay in markii ay xafladda dhamaatay ay korontada tagtay oo dadkiina awoodi waayeen in ay ka baxaan hoolka maadaama la xirey albaabkii laga bixi lahaa.
