Bilowga kulankii maanta ayaa waxaa xildhibaanada baarlamaanka hortooda lagu dhaariyay xildhibaan cusub oo ka mid noqonaya baarlamaanka Soomaaliya kaasi oo ah Wasiirka arrimaha gudaha iyo Federaalka C/raxmaan Odawaa oo bedelay Xildhibaan Abtidoon oo ku geeriyooday weerarkii 1-da bishani ka dhacay Saxafi Hotel ee magaalada Muqdisho.
Dhaarinta kaddib xildhibaanada ย waxa ay gudagaleen in ay ka doodaan hindise sharciyeedka saxaafada Qaranka dooda xildhibaanada waxa ay eheyd toosin lagu sameynayo sharcigani inkastoo sharcigani uu yahay mid horey loo soo turxaan bixiyay argatida xildhibaanada ay aad u muujinayeen waxaa ka mid ah adkeynta ganaaxa wariyaha si ay u yaraadaan qaladaadka saxaafadda.
Related posts
Guddoomiyaha guddiga warfaafinta ee baarlamaanka Soomaaliya Xildhibaan Cabdi Xaashi Cabdulaahi oo inta badan uga jawaabayay soo jeedinada xildhibaanada ayaa aad ugu hadlay xuquuqda wariyaha uu siinayo sharcigani.
Wasiirka Warfaafinta dhaqanka iyo dalxiiska Xukuumadda Federaalka Soomaaliya mudane Maxamed Cabdi Xayir Maareeye oo goob joog ka ahaa dooda xildhibaanada ee hindise sharciyeedkani ayaa gaba gabadii uga mahadceliyay xildhibaanada sida ay ugu biirinayaan talooyinkooda sharcigani, waxaana Xildhibaanada baarlamaanka uu ka codsaday in la dadajiyo meel marinta sharcigani
.Guddoomiye ku xigeenka koowaad ee Baarlamaanka Soomaaliya mudane Jeylaani Nuur Iikar oo kulanka baarlamaanka ee maanta shir guddoominayay ayaa gaba gabadii tilmaamay in ay soo gaba gabowday dooda baarlamaanka oo ka dhigan in laga gudbay akhrinta labaad ee hindise sharciyeedka loona gudbayo akhrinta sedexaad, isagoo u hambalyeeyay doorashada guddoomiyaha cusub ee golaha Wakiillada Maamulka Puntland Axmed Cali Xaashi.
