Xildhibaanno ka Tirsan Baarlamaanka Soomaaliya ee kasoo jeeda gobolka Hiiraan ayaa maanta gaaray degmada Beledweyne ee Xarunta Gobolka Hiiraan.
Xildhibaannada waxaa garoonka diyaaradaha ku soo dhaweeyay mas’uuliyiinta maamulka heer gobol iyo degmo, siyaasiyiin, waxgarad iyo qaybaha bulshada, iyagoo intaa kaddibna warbaahinta faahfaahin ka siiyay ujeedadda socdaalkooda.
Xildhibaan Nuur Iidoow Beylle oo ka mid ahaa Xildhibaannada Baladweyne soo Gaaray ayaa sheeegay inay kasoo jawaabeen baqii Ugaas Xasan Ugaas Khaliif iyo Waxgaradka ee ahaa in Mas’uuliyiinta Dowladda dhexe ee ka soo jeeda Gobolka kasoo Qayb-galaan kulan wada-tashi ah oo ka furmaya magaalada Beledweyne.
Sdoo kale Xildhibaannada ayaa kala ah xildhibaan Nuur Iidoow Beylle, xildhibaan Shuuriye Muumin Afrax, xildhibaan C/qaadir Sheekh Xanafi, xildhibaan Calinuur Boodaaye iyo xildhibaanad Samiira Xasan Cabdulle.
Maalmaha soo socda ayaa sidoo kale la filayaa in ay ku biiraan mas’uuliyiin kale oo ka tirsan dowladda iyo xildhibaanno.
