Waxaa magaalada Kampala ee xarunta dalka Uganda lagu soo gabagabeeyay tababar socday muddo 10-maalmood ah oo loo qabtay saraakiil ka tirsan Caafimaadka Soomaaliya, Tababarkan ayaa intii uu socday diiradda lagu saaray habka taya dhowka, ka-hortagga cudurrada iyo kobcinta awoodda caafimaadka ee Dalka.
Howl wadeenadaan caafimaad oo ka kala socday Wasaaradda Caafimaadka Federaalka iyo kuwa maamul gobaleedyada oo ka qeyb galay ayaa waxay barteen farsamooyin lagu wanaajiyo heerarka tallaalka, hirgelinta tallaabooyinka xakameynta caabuqa iyo xoojinta daryeelka aasaasiga ah.
“Tababarkan waxa uu shaqaalaheena ku qalabeynayaa aqoon iyo xirfado muhiim ah si ay wax uga qabtaan baahiyaha caafimaad ee degdega ah ee Soomaaliya,” ayuu yiri Cabdifitaax Diiriye Ahmed, Agaasimaha Guud ee Machadka Caafimaadka Qaranka Soomaaliya. “Waxaan ku dhiirigelinaynaa inay wixii ay barteen dib ugu celiyaan asxaabtooda shaqa wadaaga iyo bulshadooda.”
Qabanqaabiyayaasha ayaa ugu yeeray habka “tababarka tababarayaasha” in si ballaaran loo wadaago hababka ugu wanaagsan ee nidaamka daryeelka caafimaadka ee Soomaaliya.
