Xubnahan oo ka tirsan qaybta ammaanka ee gudiga farsamada maamul u samaynta Mudug iyo Galgaduud oo maanta safar dhulka ah ku soo gaaray magaalada Cadaado ee xarunta Ximan iyo Xeeb, ayaa waxa soo dhaweeyay bulshada iyo maamulka.
Cawke Xaaji C/raxmaan oo wafdigan hogaaminayay ayaa sheegay in ay u soo hormareen guddiga farsamada si ay uga talabixiyaan ammaanka goobta shirku ka dhacayo ee Cadaado, isagoo sheegay in amniga deegaanada Ximan iyo Xeeb uu wanaagsanyahay.
Wasiirka arrimaha bulshada Ximan iyo Xeeb Cumar Maxamed Diiriye ayaa sheegay in ka maamul ahaan gudigan ay hawshooda u fududayn doonaan.
Xubnaha kale ee gudiga farsamada ayaa lagu wadaa in magaalada Cadaado ay soo gaaraan maalmaha soo socda, si ay hawshooda u gudagalaan.
