Xulka Equatorial Guinea oo marti galinayo koobka qaramada afrika ayaa u soo baxay Semi-finalka koobka,ka dib markii uu 2-1 uga badiyay xulka Tunisiya.
Xulka Tunisiya ayaa goolka la hor maray,waxaana daqiiqadii 70-aad ee ciyaarta u dhaliyay ciyaaryahan Ahmed Akaichi.
Xulka Equatorial Guinea ayaa daqiiqadihii dheeriga ahaa ee lagu daray ciyaarta helay rigoore muran dhalisay,waxaana rigooradii gool u bedelay ciyaaryahan Javier Balboa.
Madaama ay ciyaarta barbardhac 1-1 ah ku dhamaatay waqtigii loogu tala galay waxaa lagu daray 30-daqiiqo oo dheeraad ah.
Ciyaaryahan Javier Balboa ayaa daqiiqadii 101-aad ee waqtigii dheeriga ahaa ee ciyaarta goolka labaad oo laad xur ahaa u dhaliyay xulka Equatorial Guinea.
