Tartanka Kubadda Cagta ee Maamul Goboleedyada iyo Gobalka Banaadir oo si habsami leh uga socdo Tuulada cayaaraha e Stadium Muqdisho ayaa waxaa galabta kulan xiiso badan ku dhexmaray Xulalka kubadda cagta Galmudug iyo Jubbaland.
Dadweyne aad u fara badan oo ka kala yimid degmooyinka Gobalka Banaadir ayaa soo buux dhaafay garoonka, kuwaasi oo kala taageerayay Labada Xul ee Galmudug iyo Jubbaland.
Cayaarta oo ahayd mid aad u xamaasad badan ayaa qeybtii hore ee kulanka waxaa lagu kala nastay 2-0 oo ay ku hogaamineysay Xulka Jubbaland.
Qeybta 2-aad ee cayaarta ayaa markii la isku soo laabtay ayaa labada Koox waxa ay la soo baxeen kubad ku dhisan weerar iyo rogaal celis, waxaana Xidigaha Xulka Kubadda Cagta Galmudug ay la yimaadeen dardar xoogan oo u suurta gelisay inay ku badiyaan 3-2 oo ay guusha ku raacday Xulka Galmudug.
