Munaasabad loogu dabaal dagayo Sanad guuradii 23aad ee aasaaskii Puntland ayaa lagu qabtay Aqalka Madaxtooyada Puntland ee Garoowe waxaaana ka qayb galay Madaxwaynaha Puntland Siciid Cabdullaahi Dani, Kuxigeenkiisa Axmed Cismaan Cilmi Karaash iyo Guddoomiyaha Baarlamaanka Puntland iyo ku xigeenadiisa.
Waxaa iyana Goob joog ah oo lagu casumay Munaasabadda Xildhibaanno ka tirsan labada Aqal ee Baarlamaanka Soomaaliya, Wasiiro heer federaal iyo Siyaasiyiin xilal kala duwan ka soo qabtay Puntland iyo Dowladda Federaalka Soomaaliya intaba.
Bahda dhaqanka, Culima’udiinka iyo boqolaal shacab ah ayaa Munaasabadaani sanadlaha ah ka qayb galay .
Fanaaniin iyo Hal abuuro isaga kala yimid dhulka Soomaalida degto iyo dalka dibadiisa ayaa sidoo kale qayb ka ah xafladaani, kuwaasi oo soo bandhigay suugaan la xiriirta maalinta Aas aaska Puntland iyo horumarada la gaaray.
Munaasabadan oo iminka socoto ayaa lagu wadaa inay gaarto ila saqda dhexe ee caawa waxaana khudbado soo jeedin doona Madaxwaynaha Puntland iyo qaybo ka mid ah haldoorka Puntland.
