Munaasabada xuska maalinta caalamiga ah ee farxalka Adduunka oo maanta oo kale looga dabaaldego dunida oo idil,ayaa lagu qabtay Magaalada Baydhabo, waxaana ka soo qeybgalay Wasaaradda Tamarta iyo Kheyraadka Biyaha ee Dowlad Goboleedka Koonfur Galbeed Soomaaliya.
Xuskaan oo Wasaaradda Caafimaadka ay qabato sanad walba, ayaa waxaa bulshada loogu wacyigeliyaa sidii ay ugu dadaali lahaayeen gacmo dhaqida oo ah aasaaska koowaad ee nadaafada, taas oo xitaa diinteena suuban ay ina fareyso in la joogteeyo.
Munaasabada waxaa ka soo qeybgaley Guddoomiyaha Arrimaha Samafalka ee Maamulka Gobolka Baay, qaar ka mid ah Agaasime waaxeedyada Wasaaradaha Caafimaadka, Tamarta iyo Kheyraadka Biyaha iyo Maamulka iyo Ardada Iskuulka Gabdhaha ee Abdalla Deerow iyo marti sharaf kale.
Madaxa Fayadhowrka iyo Caafimaadka Deegaanka ee Wasaaradda Caafimaadka iyo Daryeelka Bulshada Eng. Cabdi Xuseen Ibraahin oo ka hadlay Ayaa yiri ” Nadaafada gacmaha oo lagu dadaalo waxay muhiim u tahay ka hortagida Cudurada iyo bedqabka bulshada”
Qaar ka mid Agaasime waaxeedyada Wasaaraddaha Biyaha iyo Caafimaadka oo goobta ka hadley ayaa aad u faahfaahiyey ujeedada munaasabada iyo muhiimada Nadaafada Gacmaha.
Ugu dambeyn Guddoomiyaha Arrimaha Samafalka Maamulka Gobolka Baay
Ayaa yri ” Waa in bulashada lagu baraarujiyo Nadaafada gacmaha iyo guud ahaan nadaafada bay’ada.”.
Wasaaradda Caafimaadka ayaa agabka nadaafada guddoonsiisay ardada iskuulka Gabdhaha ee Abdala Deerow iyo qaar kale taas oo muujineysa muhiimada uu fayadhowrku u lee yahay bulshada.
