Xuska maalinta Caalamiga ah ee Cunada Aduunka oo ay soo agaasimeen masuuliyiinta wasaaradda beeraha Soomaaliya, waxaa ka qeyb galay wasiirka wasaaradda beeraha Soomaaliya, wasiir ku xigeenka wasaaradaasi, xildhibaano katirsan baarlamaanka Soomaaliya, masuuliyiin ka socday Hay’adda cunada iyo beeraha ee FAO iyo xubno matalayey ururka Iskaashatooyinka.
Ahmiyadda ay leedahay in dadku ay wax soo saar sameeyaan iyo qaabka loo dhiira galin karo arintaasi ayey kahadleen madaxda ka qeyb galay munaasabadda.
Agaasimaha wasaaradda Beeraha Soomaaliya Dr Maxamuud Maxamed Maxamuud ayaa ugu horeyn kahadlay muhiimadda maalintan.
Xildhibaanada ka qeyb galay munaasabadda iyo xubnaha matalayey FAO ayaa ku dardaarmay in door lagu yeesho horumarinta wax soo saarka dalka, oo si weyn looga faaiideysan karo.
Wasiirka wasaaradda Beeraha Soomaaliya mudane Axmed Xasan Gaboobe ayaa sheegay in qof waliba uu mudnaan ku leeyahay heerka uu ka gaarsiisanyahay wax soo saarkiisa.
