Wasaaradda Caafimaadka iyo Daryeelka bulshada Xukuumadda Federaalka Soomaaliya ayaa maanta magaalada Muqdisho ku qabatay munaasabad lagu xusayayay Maalinta Duumada Adduunka.
Munaasabadda oo ay soo qaban qaabisay Wasaaradda Caafimaadka Qeybteeda Xakameynta Duumada ayaa waxa ka qaybgalay Agaasimaha Waaxda Caafimaadka iyo qaar ka mid ah Madax qaybeedyada Wasaaradda Caafimaadka, Ururrada Dhakhaatiirta, Bulshada rayidka iyo Saraakiil ka socotay hay’adaha la shaqeeya Wasaaradda oo ay ka mid yihiin WHO iyo UNICEF.
Halku dhigga sanadkan ee 2023 ayaa ahaa “Waqtigii laga dhiga lahaa Duumada eber: ayadoo loo marayo maalgelin, hal-abuurnimo, hirgelin ” oo u dhigan sidan “Time of deliver zero malaria: invest, innovate, implement.) ”
Munaasabadda oo sanadle ah ayaa ujeedkeedu tahay in bulshada Soomaaliyeed lagu wacyigeliyo ka qeyb qaadashada ciribtirka Duumada (Malaariyada).
