Kulankancaalamiga ah ayaa maanta oo kale lagu qabtaa dacallada Aduunka taasoo loogu muujinaayo niyad wanaag dadka baahiyaha gaarka ah leh, iyadoo Soomaaliya laga sameynaayo dabbaaldegyo kale duduwan.
Gudoomiyaha Golaha Naafada Qaranka Soomaaliya Cali Cabdullihi Salaad oo hadlay Munaasabad loo sameeyey maalinta Naafada Caalamka ayaa sheegay in dhibaato ay qabaan naafada Saoomaaliya.
Ku simaha Agaasimaha Guud ee wasaaradda shaqada iyo arrimaha bulshada Safiyo Abuukar Karraani ayaa sheegtay in Naafada Soomaaliyeed ay la yimaadaan isku duubni iyo iskaashi si ay u gaaraan hadafkooda.
WasiirkaWasaaradda Hawla guud iyo dib u dhiska Egn. Saalax Sheekh Cismaan ayaa u sheegay Naafada Soomaaliyeed in wasaaradda Hawla Guud iyo Dib u dhiska ay dayactir ku sameyndoonto Xaruumiyhii iyo goobihii ay lahaayeen.
Wasiirka Wasaradda Shaqada iyo Arimaha Bulshada C/weli Ibraahin Sheekh Muudey ayaa hambalyo u diray dhamaan Naafada Soomaaliyeed Munaasabadda Sedexda Disenbar oo caalamka xus looga sameeyo.
1977 –dii ayaa marki ugu horeysay Soomaaliya laga bilaabay aqoonsiga iyo daryeelka naafada iyagoo ay Dawladii jirtay u sameysay Xarumo lagu daryeelo ,goobo waxbarasho iyo meelo ay ku howdaan.
