Munaasabad balaaran oo ay ku qalin jabinayeen dufcadii 37-aad ee ka qalin jabisa jaamacada Kenyatta ayaa Maanta lagu qabtay magaalada Nairobi ee caasimadda dalka Kenya.
Munaasabaddan ayaa waxaa ku qalin jabinayay arday gaareysa ilaa 6kun oo arday oo ka kala socday wadamo dhowr ah,waxaana ka mid ahaa arday soomaali ah.
Ku dhawaad 30-arday oo soomaali ah ayaa ka qalin jabinayay kuliyado kala duwan ayaa ka mid ahaa ardayda maanta ka qalin jabisay jaamacada Kenyatta ee magaalada Nairobi.
Ardayda Soomaali ah ee maanta ka qalin jabisay jaamacada Kenyatta ayaa horey shahaadada darajada koowaad uga soo qaatay jaamacadaha ku yaalo magaalada muqdisho,waxana maanta la gudoonsiiyay shahaadooyinka heerka labaad ee jaamacada ee Master degree.
Markii ay soo gabagabowday munaasabadii qalin jabinta ee jaamacada Kenyatta ayaa ardaydii soomaaliyeed ee qalin jabisay,waxaay muujiyeen sida ay ugu faraxsanyihiin in ay dhameeysteen heerkoodii labaad ee jamaacada,iyagoo u mahadceliyay waalidkii soo wax baxay iyo macalintii ku soo dadaalay.
Ardaydan Soomaaliyeed ee maanta ka qalin jabisay jaamacada Kenyatta ee magaalada Nairobi ayaa sheegay in ay diyaar u yihiin in ay dib ugu laabtaan dalkooda hooyo si ay shacabka soomaaliyeed uga faa’ideeyaan waxyaabihii ay barteeeen.
Munaasabaddan ay ku qalin jabiyeen dufcadii 37-aad ee jaamacada Kenyatta ayaa waxaa sidoo kale waxaa ka soo qeyb galay waalidiin soomaaliyeed oo aad ugu faraxsanaa caroortoodii oo maanta qalin jabinaya.
Sanadka kasta ayaa waxaa jaamacadaha ku yaalo dalka Kenya ka qalin jabiya arday badan oo soomaaliyeed,kuwaasi oo dalkan u yimid in ay sii kororsadaan aqootooda.
Sawir qaade:-C/raxmaan Cumar Cabdi (Somali)
https://www.youtube.com/watch?v=hs4KP1fwlns&feature=youtu.be
