Danjiraha IGAD ee Soomaaliya oo shaaciyay inay la shaqeyn doonaan Golaha Wasiirada cusub

Urur Goboleedka IGAD ayaa sheegey in uu si weyn u taageersanyihiin qaabdhismeedka golaha Wasiirada cusub ee Soomaaliya, iyagoo balan qaaday in ay sii xoojin doonaan la shaqeynta dowladda Federaalka ah ee Soomaaliya.

Wakiilka Urur Goboleedka IGAD Danjire Maxamed Cabdi Afeey oo la hadlay Warbaahinta ayaa sheegay in IGAD ay aad ula dhacsantahay magacaabista Golaha Wasiirada, waxaana uu ku booriyay inay dalka gaarsiiyaan doorasho xor ah.

Related posts

Tartamayaasha Buula-burte oo tartanka ka ciribtirtay Yaaqshiid, una gudubtay wareegga Saddexaad “SAWIRRO”

March 9, 2026

𝐆𝐮𝐝𝐝𝐨𝐨𝐦𝐢𝐲𝐚𝐡𝐚 𝐇𝐚𝐲’𝐚𝐝𝐝𝐚 𝐒𝐨𝐃𝐌𝐀 𝐨𝐨 𝐤𝐮𝐥𝐚𝐧 𝐥𝐚 𝐪𝐚𝐚𝐭𝐚𝐲 𝐖𝐚𝐬𝐢𝐢𝐫𝐤𝐚 𝐒𝐡𝐚𝐪𝐚𝐝𝐚 𝐢𝐲𝐨 𝐀𝐫𝐫𝐢𝐦𝐚𝐡𝐚 𝐁𝐮𝐥𝐬𝐡𝐚𝐝𝐚

March 9, 2026

“Waxaan soo dhaweyneynaa magacaabista Golaha Wasiirada ee uu soo dhisay Ra’iisul Wasaaraha Xukuumadda Federaalka ah ee Soomaaliya, waxaana baarlamaanka ka rajeyneynaa inay meel mariyaan golaha Wasiirada, waan ugu hambalyeynayaa talaabada uu qaaday Ra’iisul wasaare Cumar Cabdirashiid” ayuu Danjire Afeey hadalkiisa ku daray.

Tan iyo markii uu Ra’iisul wasaaraha xukuumadda Federaalka ah ee Soomaaliya mudane Cumar Cabdirashiid uu ku dhawaaqay magacaabista Golaha Wasiirada oo ka kooban lixdan xubnood ayaa waxaa isa soo tarayay taageerada shacabka Soomaaliyeed iyo beesha caalamka ee ku aadan Golaha Wasiirada.