Madaxweynaha Jamhuuriyyadda federaalka Soomaaliya mudane Xasan Sheekh Maxamuud ayaa gabaldhicii caawa dib ugu soo laabtay magaalada Muqdisho, kadib markii uu soo dhameystay safar shaqo oo uu ku tegay magaalada Dhuusamareeb ee gobolka Galgaduud.
Madaxweynaha ayaa garoonka Aadan Cadde waxaa si diirran ugu soo dhaweeyay xubno ka tirsan labada gole ee dowladda, iyo mas’uuliyiin kale.
Madaxweynaha ayaa magaalada Dhuusamareeb u tegay howlo shaqo oo ku saabsanaa maamul u sameeynta gobollada dhexe ee dalka, isagoo muddadii uu joogay halkaasi la kulmay odayaal iyo waxgarad ku sugnaa magaalada Dhuusamareeb.
Booqashada madaxweynaha ee Dhuusamareeb ayaa soo afjartay khilaaf ka dhashay halka lagu qabanayo shirka maamul u sameynta gobollada dhexe, wuxuuna madaxweynuhu iclaamiyay in 11-ka bishan magaalada Cadaado lagu qaban doono shirka maamul u sameynta gobollada Mudug iyo Galgaduud.
