Halka uu ka socdo(Johannesburg) shirka dhaqaalaha adduunka (World Economic Forum),ย ayaa shirkadda MasterCard waxa ay kaga dhawaaqday iskaashiga dhex maray iyada iyo bankiga Soomalyeed ee Premier, taas oo ka dhigaysa MasterCard shirkaddii ugu horreysay ee keenta Soomaaliya adeegga kaararka Debit iyo Prepaid cards. Iskaashigan ayaa suurageliyay in Premier Bank ATM lacag looga qaadan karo MasterCard, adeeg ama badeeco looga iibsan karo isla markaana Premier Bank ku daabacayo kaararkaas isla Soomalaiya gudaheeda, taasi oo dhacaysa markii ugu horreysay taariikhda Soomaaliya, kana dhacaysa Soomalaiya oo ah dal burbur ku jiray tan iyo dhicitaankii dawladdii dhexe ee dalka sanadkii 1991.
โ Soomalaiya waxa ay horay u qaadday tallaabooyin wax ku ool ah oo ku aadan dib u dhiska iyo xasilinta dalka. Maantana waa dhacdo kale oo aad u weyn oo daaha ka rogeysa xorriyada maaliyadeed oo ay gaarayaan dadka Soomalaiyeed ka gadaal sanado badan oo dalkeennu ka goโdoonsanaa ganacsiga iyo dhaqaalaha adduunkaโ Sidaas waxaa yiri waziirka qorshaynta iyo iskaashiga caalamiga ah ee Soomaliya mudane Abdirahman Yusuf Ali Aynte.
Related posts
Hadda ATM-yada Premier Bank waxaa lacag loogala bixi karaa kaararka MasterCard, sidoo kale Premier Bank waxa uu sanadkan guduhiisa u daabcii doonaa dadka Soomaaliyeed ee adeegaas doonaya kumanaan kaararka debit-ka ah, waxaana taas ku xigi doona prepaid card iyo point of sale machines. Daah-furka adeegan ayaa waxa uu siinayaa dawladda, qurbo-joogta iyo hayโadaha caalamiga ahba hab sahlan, ammaan ah, lana jaa-qaadaya standards-ka caalamiga ah oo ay ku bixin karaan mushaaraadka iyo lacagaha kale ee ay u dirayaan Soomaaliya, taas oo meesha ka saaraysa khatarta qaadista cash-ka. Lacagaha loo diro Soomaliya waxa ay gaarayaan ilaa 1 billion oo doolar sanadkii, taas oo ka dhigan 35% wax soo saarka guud ee Soomaaliya, taasina waxa ay ku tusinaysaa ahmiyadda ay horumarka dalka iyo dakhliga dadka u leeyihiin lacagaha ka imaanaya dibedda.
โ U xaqiijinta maal-gashadayaasha shisheeye, qurbo-joogta Soomaaleed iyo hayโadaha deeqaha bixiyaba in nidaamkeenna maaliyadeed yahay mid la isku hallayn karo, isla markaana loo maamulo si wanaagsan waxa ay lagama maarmaan u tahay fayo-qabka dhaqaaleheenna Soo kabanayaโ waziirka qorshaynta ee Soomaaliya yaa intaas ku daray. Kaararka watta calaamadda MasterCard ee Premier Bank, waxa ay u suuro-gelinayaan dadka Soomalida ah in ay cash kala baxaan ATM kasta oo leh calaamadda MasterCard adduunka oo idil iyo in ay online wax ku iibsadaan iyo sidoo kale in ay adeeg ama badeeco kaga iibsan karaan malaayiin goobo ganacsi ah oo aqbalaya kaararka lacag bixinta ee masterCard, kuna kala firirsan adduunka oo idil.
โ Hadda waxaan siin karnaa macamaiisheenna hab sahlan, aamin ah, raqiisna ah oo ay lacagaha ku bixin karaan iyaga oo jooga dalka iyo daafaha caalamka labadabaโ sidaas waxaa yiri guddoomiyaha bankiga Premier Mahat Maxamed Axmed. โ Si sare loogu qado kobaca dhaqaale ee Soomaliya oo muddo dheer ka goโdoonsaneed dhaqaalaha adduunka, waxaa soo baxday baahi loo qabo hababka lacag bixinta ee electronic-ga ama kaararka ah, taas oo la jaan-qaadaysa xeerarka caalamka uga degsan lacagahaโ Sidaas waxaa yiri Daniel Monehin, oo ah madaxa xafiiska MasterCard ee qaabilsan waddama ka hooseeya Saxaraha Afrika.
โHeshiiska aan la galnay Premier Bank Somalia waxa uu imaanayaa xilli MasterCard ay kala shaqaynayso dawladaha iyo hayโadaha maaliyadda ee afrika sidii dadka Afrika loo gaarsiin lahaa nidaam maaliyadeed oo sahlan, ammaankiisana la isku hallayn karo, taas oo qayb ka ah hababka aan ku gaarayno aragtidenna fog ee ku saabsan dunidan oo u wareegta habka laca bixinta electronic-ga ahโ ayuu ku daray Mr. Daniel Monehin hadalkiisa. Xog ku saabsna MasterCard MasterCard (NYSE: MA), www.mastercard.com,
Waa shirkad technology oo ka shaqaysa nidaamka lacag is-dhaafsiga ee caalamka. Waxaan leenahay shabakadda lacag is-dhaafisiga ee ugu dhaqsada badan caalamka, taas oo isku xiraysa dadka wax iibsada, hayโadaha maaliyadda, ganacsatada, iyo dawladaha, kuwaas oo ku kala baahsan in ka badan 210 dal. Adeegyada MasterCard waxa ay qof kasta uga dhigayaan dhaqdhaqaaqiisa ganacsi โ sida wax iibsiga, safarka, maamulista ganacsiga iyo dhaqaalahaba- mid sahlan, ammaan ah, raqiisna ah. Xog ku saabsan Premier Bank Somalia Premier Bank waa banki ka diiwaan-gashan bankiga dhexe ee Soomaaliya (Laysan No. 0011).
Premier waxa uu macaamiisha u hayaa adeeg maaliyadeed oo dhamaystiran, ayna ka faaโiideysan karaan shaqsiyaadka, ganacsatada, hayโadaha. Bankigu hadda waxa uu leeyahay labo laamood oo ku kala yaal KM4 iyo Suuqa Bakaaraha, waxaana noo qorshaysan in aan ku baahinno laamo kale magaalooyinka dalka.Wixii faahfaahin ah, fadlan booqo www.premierbank.so.
