Gudiga ganacsiga iyo warshadaha ee Baarlamaanka Soomaaliya ayaa maanta kulan looga hadlayay sameynta sharciga maalgashiga dalka la yeeshay wasiir ku xigeenka wasaaradda arimaha dibadda,wasiiru dowlaha wasaaradda ganacsiga iyo warshadaha iyo xubno ka kala socday wasaaradaha maalliyadda iyo qorsheynta, waxaana kulanka lagu qabtay magaalada Muqdisho.
Xildhibaan C/laahi Jaamac oo ah gudoomiyaha gudigan ayaa sheegay in sharcigan uu ahaa mid horey u jirey balse hadda la doonayo in dib u habeyn lagu sameeyo isla markaana la waafijiyo xaaladdaha waqtiga lagu jiro si uu u noqdo mid la jaan qaadi kara sharciyada maalgashiga caalamka.
Guddoomiyaha ayaa sidoo kale sheegay in sharcigan ay doonayaan in dhowaan la horgeeyo golaha shacabka Soomaaliyeed si uu u noqdo mid rasmi ah,waxaana harcigan uu yahay mid faa’ido aad u weyn u leh guud ahaan dalka.
