Madaxweynaha Jamhuuriyadda Soomaaliya iyo Ra’iisulwasaraha dalka oo Magaalada kismaayo u jooga howlo shaqo ayaa kulamo halkaas kula qaatay Madaxweynaha Maamulka Jubbaland.
Madaxweynaha dalka Mudane Xasan sheekh Maxamuud wafdigiisa iyo madaxda kale ee Maamul Gobolleedyada dalka ka jira ayaa kismaayo kaga qeyb galay shalay Xafladda Caleema saarka Madaxweynaha maamulka jubbaland mudane Sheekh Axmed Maxamed Islaam Axmed “Madoobe”
Madaxweynahe Xasan Sheekh Maxamuud ayaa xalay kulamo la qaatay Madaxweynaha Maamulka jubbaland Axmed Madoobe oo ay kawada hadleen sare u qaadista iyo ballaarinta Maamulka uu Madaxweyne Axmed Madoobe Hoggaamiyo iyo xoojinta dagaalka la gula jiro Argagixisada.
