Howlgalka Nabad ilaalinta Midowga Afrika ee AMISOM ayaa cambaareeyay weerarkii maleeshiyaadka Al-Shabaab ay ku qaaday Hotel Saxafi ee magaalada Muqdisho, kaasi oo loo adeegsaday gaari waxyaabaha qarxa laga soo buuxiyay.
War-saxaafadeed ka soo baxay AMISOM ayaa lagu sheegay in hogaanka AMISOM uu shacabka iyo dowladda Soomaaliyeed uga tacsiyadeynayo dadkii ku nafwaayay weerarkaasi, waxaana inta ku dhaawacantay uu u rajeeyay in uu Alle bogsiiyo.
Related posts
AMISOM ayaa amaan u jeedisay ciidanka Amniga ee dowladda sida deg deg ah ee ay uga jawaabeen falka argagixisadu ku soo weerartay hotelka, isla markaana ay ula wareegeen guud ahaan amniga hotelka howlgallo ay ku dileen kooxihii weerarka soo qaaday.
War-saxaafadeed ayaa lagu xusay in AMISOM ay mar waliba garab taagantahay dowladda Soomaaliya iyo ciidamada amniga ee dalka, si looga hortago falalka ay maleegayaan Al-Shabaab, waxaana uu intaa ku daray in Midowga Afrika ay ka goโantahay sidii ay gacan uga geysan lahaayeen xasilinta iyo nabad ku soo dabaalidda guud ahaan Soomaaliya.
