Maamulka degmada Tiyeegloow ee gobolka Baay ayaa faah faahin ka bixiyay ammaanka oo ay sheegeen in uu yahay mid wanaagsan, isla markaana ay dib u soo laabanayan adeegyadii guud ee bulshada.
Ciidamada xoogga dalka oo kaashanaya kuwa Nabad Ilaalinta Midowga Afrika ee AMISOM ayaa howlgallo xiriir ah ka sameeyay degmada oo ay kaga sifeynayeen haraadiga Al-Shabaab, waxaana ay taasi suurta gelisay in amniga degmada uu noqdo mid hagaagsan.
Related posts
Guddoomiyaha degmada Tiyeegloow Maxamed Cabdullaahi Xasan oo la hadlay Radio Muqdisho ayaa sheegay in nabad gelyada degmada ay tahay mid hagaagsan, waxaana uu shacabka ka codsaday inay xoojiyaan la shaqeynta laamaha amniga.
“Dhanka Nabadgelyada degmada waa mid la isku haleyn karo, runtii waxaan u taaganahay inaan sameyno howlgallo ka dhan ah maleeshiyada Al-Shabaab oo aan ka saarno deegaannada kale ee ay ku harsanyihiin, tankale adeegyada guud ee bulshada waa mid si heer sare ah, waxbarasho iyo adeeg caafimad ayaa ka jirta degamda” ayuu yiri Guddoomiyaha Degmada.
