Wararka ka imaanaya magaalada Baladweyne ee gobolka Hiiraan waxa ay sheegayaan in caawa galbeedka magaalada uu ka socdo dagaal xoog leh oo u dhexeeya maleeshiya beeleedkii maalmahaan halkaas ku dagaalamayay kuwaas oo maqribadii kadib uu dagaalkoodu dib u billaawday,
Dadka magaalada oo aan qaarkood goordhaw la xiriiri waxa ay sheegayaan in dhawaqa rasaasta ay si xoog leh uga maqlayaan xaafadda Howl wadaag ee galbeedka magaalada halkaas oo ah meesha ay maleeshiyo beeleedka wada dagan yihiin.
Related posts
Ciidamada amissom iyo kuwa dowladda ayaa hadda wada dhaq dhaqaaqyo u muuqdo mid lagu kala dhax galaayo maleeshiyaadka dagaalamaayo.
Dhinaca kale waxaa wali magaalada ka taagan fatahaadii uu wabiga shabeela ka sameynayay gudaha magaalada baladweyne oo qayba kala duwan uu ka maro magaalada baladweyne.
Dadka magaalada intiisa badan magaalada waa ay ka barakeceen, waxay ku sugan yihiin aqalo cooshado ka sameysay oo ay ka dhisteen duleedka magaalada, waxeyse maqlayaan meeshii ay gargaar filayeen dagaal u dhexeen dadkii u gurman lahaa qaarkood.
Sidoo kale dad ka qaar ayaa iyaguna wali ku goโdoonsan gudaha magaalada gaar ahaan goobaha lagu dagaalamayo, waxeyna dhinac ka baqayaan in fatahaadaha biyaha soo gaaraan, halka dhinaca kalana ay xabad iyo dhawaqeeda ayย la soo darastay.
Ugu dambeyn, waxaa ka socda magaalada dadaalo la doonayo in lagu kala dhax galo maleeshiyaadkaas dagaalamaya hase yeeshee waxa ay u muuqataa kuwa aan caga badan ku taagnayn maxaa yeelay wali dagaalka ayaa socda, xabaduna way dheceysaa.
Illaah ayaa u maqan dadka magaaladaas ku nool, waxeyse ku sugan yihiin xaalad aan la qiyaasi Karin xanuunkeeda, waxeysa ahayd in ay dareemaan maleeshiyaadka dagaalamayo dhibaatada haysata walaalahooda ay fatahaaduhu haystaan.
