Ciidamada amaanka ee gobalka Shabeellaha Dhexe ayaa saaka gacanta ku soo dhigay askarigii ka danbeeyay dilay Taliyihii Nabad Sugidda ee gobalkaasi.
Gacan ku dhiiglaha oo baxsaday markii uu dilka gaystay ayaa laga soo qabtay meel u dhow magaalada Jowhar oo uu ku dhuumaalaysanayay.
Mas’uuliyiinta maamulka gobalka Shabeelaha Dhexe ayaa sheegay in gacan ku dhiiglaha cadaaladda la marsiin doono.
Allaha u naxariistee Cabdiwali Ibraahim oo ahaa Taliyihii NISA ee gobalka sh/dhexe ayaa maanta lagu aasay magaalada Jowhar waxaana aaska ka qaybgalay dadweyne badan iyo mas’uuliyiin ka tirsan maamulka.
