Deeqdaan raashinka ah oo ka timid dowladda Turkiga ayaa maanta wasaaradda arrimaha gudaha iyo federaalka waxaa ay u qeybisay culumaa’udiin Soomaaliyeeed, iyagoo culumadii loo qeybiyayna ay ka mahadceliyeen.
Sheekh Yuusuf Cali Ceynte iyo Canab Xasan Cilmi oo ka mid ah guddiga ay wasaaradda u xilsaartay qeybinta raashinkan ayaa sheegay in raashinku uu ka soo dib dhacay waqtigii loo baahnaa inta ka dhiman bisha Ramadaana ay qeybintiisa socon doonto iyadoo la gaarsiinayo dadkii loogu talagalay raashiinka.
Sheekh C/qaadir Soomow, oo kamid ahaa culimadii maanta la gaarsiiyay deeqda raashiinka ah ayaa sheegay in ay u mahadcelinayaan wasaaradda arimaha gudaha iyo gudiga raashiinka qeybintiisa loo egmaday.
Wasiiru dowlaha wasaaradda arrimaha gudaha iyo federaalka xukuumadda Soomaaliya Cabdirashiid Maxamed Xidig, ayaa sheegay in ay billaabatay qeybinta raashinkan walaalaha Turkiga ay ugu deeqday shacabka Soomaaliyeed.
Dhawaan ayay ahayd markii Markab siday shixnad gargaar ah laga soo dajiyay dekada Muqdisho kaas oo loogu talagalay in la gaarsiiyo dadka Soomaliyeed kuwooda liita.
