Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud ayaa maanta waraaqaha aqoonsiga safiirnimo ka guddoomay Danjiraha cusub ee dalka Talyaaniga.
Madaxweynaha J.F Soomaaliya, mudane Xasan Sheekh Maxamuud, ayaa si ramsi ah waraaqaha aqoonsiga Safiirnimo ka guddoomiyah Carloย Campalina oo baddelaya safiirkii hore ee Jamhuuriyadda dalka Talyaaniga, madaxweynaha ayaana soo dhoweeyey safiirka cusub.
Related posts
Madaxweynaha iyoย safiirka ayaa kulan wada qaatay, waxaana kala qeyb-galay wasiir ku xigeenka Arrimaha Dibedda Soomaaliya, mudane Axmed Cali Kadiye, kulanka ayaa diiradda lagu saaray xiriirka labada dalka iyo sidii loo sii xoojin lahaa, maadaama dalalka Soomaaliya iyo Talyaaniga uu ka dhexeeyo xiriir taariikhi ah, waxaaย la isku soo qaadeyย in la ballaariyo taageerada dowladda Talyaaniga oo ay dalka ka fuliyaan maashaariic cusub oo dhanka maalgashiga ah.
Madaxweynaha ayaa uga mahadceliyey dowladda Talyaaniga sida ay u garab taagan yihiin dowladda iyo shacabka Soomaaliyeed.
Wasiirka ku xigeenka Arrimaha Dibedda Soomaaliya, Mudane Axmed Cali Kadiye, ayaa sheegay in kulanka waxyaabaha looga hadlay ay ugu muhiimsaneyd in safiirka cusubย shaqadiisa lagu gacan siiyo dowladda Talyaanigana ay sii waddo ka qeyb-galka horumarka Soomaaliya.
Danjire Carloย Campalina, Danjiraha cusub ee dowladda Talyaaniga u soo dirtay Soomaaliya, ayaa sheegay in uu ku faraxsan yahay imaanshiisa Soomaaliya, mahad ballaaranna uu u hayo, madaxweynaha dowladdiisa iyo shacabkiisa, dhowaanna uu bilaabi doono howlgalkiisa ku aaddan horumarinta iyo taageeridda Soomaaliya.
