Saraakiisha ciidamada badda dalka Maraykanka, ayaa sheegay in dhowr gantaal lagu ridey Maraakiib dagaal oo Maraykanku leeyahay,kuwaas oo ilaalo ka haya biyaha dalka Yemen.
Weerarka lagu qaaday xalay markabka USS Masson iyo kuwii ka horreeyay ee USS Nitze iyo USS Ponce, ayaanan la sheegin tiradooda dhabta ah iyo qasaare ay geysteen toona.
Daba yaaqadii todobaadkii tegey ayay ahayd markii Markabka Dagaalka ee USS Nitze, uu gantaal ku ridey Saddex Raadar ah oo ay maamulaan Xuuthiyiintu Yemen, taas oo jawaab u ahayd weerarkii lagu qaaday markabka USS Mason.
Weerarkan ayaa noqonaya kii Saddexaad ee todobaad gudahiis lagu qaado Maraakiibta dagaalka ee Maraykanka.
