Labo gabdhood oo Soomaali ah ayaa lagu dilay Magaalada Ottawa ee dalka Canada , iyadoona meydka labadaan gabdhood lagu qariyey qeybo ka mid ah gurigooda.
Booliiska Magaalada Ottawa ayaa sheegay in ay qabteen dad lagu tuhmayo ku lug lahaanshaha dilka loo geystay labada gabdhood ee Soomaalida ah isla markaana ah labo Gabdhood oo Walaalo ah.
Gabdhaha la dilay ayaa waxaa lagu kala magacaabayey Nasiiba Noor oo 23 jir ahayd iyo Asma Noor oo 32 jir ahayd , waxaan dilkooda geystay sida la sheegay kooxo hubeysan oo la sheegay in iminka gacanta lagu hayo dad lagu tuhmayo in ay ka mid ahaayeen kooxihii dilay labadaas marxuum.
