Jamciyadda Quruumaha ka dhaxeeysa ayaa sheegtay in saddex iyo toban kun oo Qooys ay ku barakaceen shantii Maalmood ee ugu dambeeysay dagaalada ka socda gaalada Momausel ee dalka Ciraaq.
Qooysas reer Ciraaq ah ee degganaa magaalada Mousel ee dalka Ciraaq oo tiradooda ay gaareeyso ilaa saddex iyo toban kun oo Qooys ayaa la sheegayaa in ay ku barakaceen shantii maalmood ee ugu dambeeysay dagaalada ka dhacaya magaalada Mousel oo u dhaxeeya ciidamada militeriga ee dalka Ciraaq iyo qolyaha argagixisada ah ee isku magacaabay Daacish.
Afhayeenka Jamciyadda Quruumaha ka dhaxeeysa Stephen Dujaarik ayaa sheegay cel celis ahaan tirada dadka ku barakacaya dagaaladan ay gaarto boqolkiiba konton,oo maalin waliba ay ka soo baxayaan magaalada Mousel kun iyo lix boqol oo qof ilaa laba kun iyo saddex boqol oo qof, tan iyo markii sare loo qaaday hawl gallada Militeri.
Ciidamada Ciraaq oo ay wehliyaan duqeeymaha dhinaca hawada sare ee ay wadaan dayuuradaha dagaalaka ee Mareeykanka ayaa wada qorshe ay ku doonayaan in ay kaga qabsadaan qolyaha xagjirka ah magaalada ku taal dhankla Waqooyi oo muddo laba todobaad uu ka socday hawl gal militeri.
