Ergayga gaarka ah ee qaramada midoobay u qaabilsan soomaaliya Michael keating oo soo garay beledweyn ayaa kormeer ku tagay suuqa xoolaha lagu iibiyo ee magaalada waxana uu u kuur galayay sameynta ay abaaraha ku yeesheen gobolladaasi isagoo uu ka xog wareystay qaar ka mid ah ganacsatada xoolaha oo u sheegay in xoolaha ay aad u sameyeen abaaruhu.
Intaasi kadib waxaa loo gudbiyay xarunta maamulka gobolka hiiraan waxaan uu kulamo la qaatay madaxweynaha maamulka Hirshabeele iyo qeybaha kala duwan ee bulshada iyo ugaas Xasan ugaas Khaliif iyo Wabar Geeddi wabar Xasan ku Tubow kulammadan ayaa looga hadlay abaaraha ka jira gobolka iyo sida ay Qarammada Midobey gacan uga geysan lahayd abaaraha.
Qaar ka mid ururrada bulshada iyo gudoomiyasha dagmoyinka gobolka ayaa goobta kasoo jeediyay dhibaatoyinka abaaraha ee ka jira degaannada ay masuulka ka yihiin.
Ergayga gaarka ah ee Qaramada Midoobay u qaabilsan Soomaaliya Michael keating aya ballan qaaday in ay gacan ka geysan doonaan dhibaatooyinka loo soo gudbiyay. Gudoomiyaha maamulka Gobolka Hiiraan Cali Jeyte Cismaan ayaa ka hadlay dhibaatooyinka ka jiro gobalka oo ay abaaruhu ugu horeyaan.
