Madaxweynaha Jamhuuriyadda Federaalka Soomaaliya iyo Wafdi uu hogaaminayo ayaa goor-dhow Safar dhanka Dhulka ah ku gaaray Magaalada Afgooye ee Gobolka Shabeelaha hoose .
Madaxweynaha Jamhuuriyadda Fedreaalka soomaaliya Mudane Maxamed C/laahi Farmaajo oo halkaasi si wayn loogu soo dhaweeyay , wuxuuna kulan kula qaadan doona Madaxda Maamulka ,Bulshada qeybaheeda kala duwan iyo Taliyaasha Ciidmada Xoogga ee ku sugan Gobalka Shabeelaha Hoose.
Ciidamada Ammaanka Dowaladda Soomaaliya ayaa si wayn u adkeeyay Amaanka wadada isku xirta Magaalada Muqdisho iyo Degmada Afgooye ee Gobalka Shabeelaha Hoose.
Booqashada Madaxweynaha ee Degmada Afgooye ayaa imaaneysa xili maalma ka hor Ciidamada Xoogga Dalka Soomaaliya oo kaashanaya Ciidamo Maraykan ah ay Howgal ay sameeyeen ku dileen Horjoogahii Alshabaab ee Gobalka Shabeelaha Hoose gaar ahaan deegaano ku dhow Bariire.
