Maxkamad ku taal dalka Talyaaniga xabsi daa’in, ku xukuntay nin Soomaali ah kaddib markii lagu helay dambi ah inuu jirdil iyo dil isugu daray dad muhaajiriin ah oo ku sugnaa dalka Libiya.
Cusmaan Mahamud, oo 22 jir ah ayaa lagu xukumay Xabsi Daa’in kaddib markii Dacwad ka dhan ah ay u fariisatay Maxkamad ku taala Dalka Talyaaniga waxaana lagu soo oogay danbiyo kala Duwan.
Maxkamadda ayaa muwaadinkan Soomaaliyeed ku eedeysay in uu jirdil, kufsi iyo Dil u geystay dad Tahriibayaal ah oo doonaayay in ay gaaraan Qaaradda Yurub, iyaga ka imaaanaya Waqooyiga Qaaradda Africa waxaana la sheegay in uu la shaqeysan jiray Kooxo kale oo aan Soomaali aheyn.
Wakaalladda Wararka Talyaaniha ee ANSA ayaa sheegtay inay Maxkamadu ku heshay Eedeysanaha dilka 4 qof oo uu jir-dil ugu geystay Libya.
Dadka muhaajiriinta ah ee ka yimaada dalalka saxaraha ka hooseeya ayaa waqtiga ugu badan ku qaata xeryaha ku yaala Libiya, halkaasoo madax furasho ahaan loogu heysto, waxaana eheladooda ka sugaan lacagaha la siiyo dadka wax tahriibiya ee u qaada dalalka Yurub.
Sanadihii u dambeeyay ayaa waxaa isa soo tarayay dadka faraha badan ee tahriibayay dad galayay dalalka Yurub, waxaana ciidamada badda Talyaaniga ay bad baadiyeen boqolaal muhaajiriin ah oo doonayo caag ahoo ah kuwa la buufiyo ka raacay xeebaha Liibiya
