Wasiir ku-xigeenka Wasaradda Howlaha guud iyo dib u dhiska ee Xukuumadda Soomaaliya ahna siihayaha Xilka Wasiirka ayaa kormeeray Waddada Jeneraal Daa’uud oo isku xirtay Degmooyinka Boondheere, Warta Nabadda iyo Yaaqshiid, halkaasi oo ay ka socoto howlo dib u dayactir ah.
Agaasimaha Guuud ee Wasaaradda Howlaha Guud iyo Dib u Dhiska Salaax Cabdulaahi Axmed oo la hadlay Warbaahinta Qaranka ayaa ka hadlay muhiimadda waddadaan ay u leedahay bulshada, sido kale waxa uu mahadceliyay Maamulka gobolka Benaadir oo qeyb weyn ka qaatay dhismaha Waddadaan.
Wasiir ku-xigeenka Wasaradda Howlaha guud iyo dib u dhiska ee Xukuumadda Soomaaliya Mudnae Jamaal Xasan Cismaan ayaa sheegay in ujeedka kormeerkooda uu la xiriiray sidii ay u ogaan lahaayeen hanaanka ay u socoto dib u dhiska Waddada Jeneraal Daa’uud, waxaana uu bulshada ugu baaqay inay ka qeyb qaataan dib u dhiska goobaha Danta Guud.
