Doorashadaan ayaa waxaa ku tartamay Sagaal Gabdhood oo Aqalka Sare kamid ah, kuwaasi oo u kala tartamayey Guddoomiye, Guddoomiye ku-xiggeen koowaad iyo labaad iyo Xoghayaha Guddiga.
Xafladda ayaa waxaa kala soo qeyb galay xubno ka tirsan golaha shacabka, Wasiirka Haweenka, Ururada Bulshada rayidka ah, xubno ka socday maamulka Gobolka Banaadir, Wakiilo ka socday Xafiiska Qaramada Midooay ee Soomaaliya iyo Fanaanada Qaran ee Hiba Nuura.
Senator Shukri Aadan Maxamuud ayaa ku guuleysatay Xilka Guddoomiyenimo ee Haweenka Aqalka sare halka Senator Zamzam Ibraahim Cali ay heshay ku xiggeenka koowaad ee Guddoomiyaha.
Guddoomiyaha Golaha Aqalka Sare Mudane Cabdi Xaashi Cabdullaahi ayaa sheegay in Gabdhaha Soomaaliyeed Hormuud u yihiin Dalka, loona baahanyahay in Dumarka Soomaaliyeed ay isku doobnaadaan.
“Waxaan rabnaa in markasta Dumarka Soomaaliyeed ay mid noqdaan meelkasta oo ay joogaan, waxaa kale oo aan rabnaa in Dumarka ku jira Baarlamaanka Soomaaliya ay mid noqdaan, taasna horumar lagu gaari karo” ayuu yiri Guddoomiye Cabdi Xaashi
Shugri Aadan Maxamuud oo ku guuleysatay Gudoomiyaha Haweenka ee Golaha Aqalk Sare ayaa tilmaantay in mideynta Gobdhaha Soomaaliyeed Door muhiim ah ka qaadan doonaan Nabadda iyo horumarka dalka.
Xubnihii kale oo ka qeyb galay Doorashada ayaa siweyn ugu dheeraaday kor u qaadista Hormarka Dalka Soomaaliya.
