Kulankan oo lagu dhiiri galinayay waxqabadka u qaybsanayaasha wasaaradda waxbarshada u fadhiya dalalka caalamka ayaa waxaa ka soo qeyb galay aqoonyahanno iyo qaar ka mid ah safiiradii hore ee dalka waxaana soo qaban qaabiyay wasaaradda waxbarshada iyo Tacliinta Sare ee soomaaliya, iyadoo looga hadlay dhaqanka iyo tariikhda dalka,inta uu kulanku socday waxaa layska xog waraystay sidii dhallinta hadda jirta loo fahamsiin lahaa dhaqanka iyo wadaniyadda .
Saciid xaji maxamuud oo ahaa ku simhii safaaraddii ugu horay ee somaaliya ay ka furato dalka turkiga ayaa sheegay in dadka qibradda leh in laga qaato waayo aragnimo.
Ujeedada kulankaan ayaa waxay ahayd sidii ay u qaybsanayaasha wasaaradda waxbarashada hidaha iyo tacliinta sare ee matalaya dalka u gaarsiin lahaayeen dhaqanka soomaaliyeed dhalinyarada maanta
General jaamac maxamed qaalib oo ka mid ahaa saraakiishii ciiidanka Booliska Soomaaliyeed ayaa ka hadlay muhiimadda arintaan iyo tariiqdii dalku soo maray
Wasiirka Waxbarshada Xukumadda Soomaaliya C/raxmaan Daahir Cusmaan oo ka hadlay kulanka ayaa sheegay in ujeedada kulanka ay tahay sidii kor loogu qaadi lahaa xirfadda iyo cilmiga dhalinyarada, isla markaana lagu dhiiri galiyo wadaniyadda iyo dhaqanka suuban ee umadda Soomaaliyeed.
