Kulan looga hadlayo horumarinta xaaladda Amniga iyo xasilinta deegaannada hoos yimaada maamulka K/Galbeed ayaa lagu qabtay magaalada Baydhabo ee xarunta Ku meel gaarka ah ee maamulkaasi.
shirkaan waxaa si wadajir ah u soo qaban qaabiyay Wasaarada Arimaha Gudaha dowladda Federaalka iyo tan koonfur galbeed ayaa Mudada uu Socodo Waxaa looga hadli doona qodobbo la xariira waxyaabihii ka qabsoomay qorshayaashii loogu talagalay xasalinta deegaanada koonfur galbeed ee Soomaaliya, iyo waxyaabihii aan qabsoomin iyo sababaha ay u qabsoomi waayeen.
Mudada shirkaan socdo waxaa ka qaybgalaya Wasaaradaha Haweenka, Dhalinyarada,Amniga koonfur galbeed, duubabka dhaqanka ,ururada Haweenka, Dhalinyarada iyo xubno ka mid ah gudoomiyayaasha Degmooyinka .
Qodobada kale ee kulanka mudada uu socodo lagu jeex jeexi doono waxaa ka mid ah u diyaargarowga sidii argagixisaga looga nadiifin lahaa deegaanada ay wali ku sugan yihiin, halkaasi oo shacbiga ku nool ay ku hayaan dhibaatooyin baaxad leh.
Wasiirka wasaarada Arimaha Gudaha iyo Dawladaha hoose ee Koonfur Galbeed Maxamanuur Madoobe Nuunaw Maxamed ayaa ka qaybgalayaasha shirka u Faafahiyey qodobada muhiimka ah ee ka qayb galayaasha shirka horyaalla, kuwaasi oo u baahan in go’aan wada jir ah laga gaaro, islamarkaana si dhaqso ah loo dhaqangaliyo.
