Shir looga hadlayey Amniga Degaannada Gal-mudug ayaa lagu soo gabagabeeyey Magaalada Dhusamareb ee Caasimada Gal-mudug, waxaana ka soo qaybgalay Agaasimaha Wasaarada Gaashaan dhigga Soomaaliya, Xubno ka kala socday Qaramada Midoobay, Turki, Jabuuti, AMISOM iyo UNSOM oo ah Xafiiska Qaramada Midoobay u qaabilsan Siyaasadda Soomaaliya.
Shirka ayaa laga soo saaray Qodobo dhowr ah oo ay ka mid ahaayeen xoojinta Ammaanka, Xoraynta Deegaannada Gal-mudug ee Al-shabaab ku sugan yihiin iyo ka gungaaridda Qorshaha Amniga Gal-mudug .
Saraakiisha ka kala socotay UN-ka iyo Wadamada daneeya Ammaanka Soomaaliya ayaa
waxa ay kormeereen Saldhigga Booliiska Dhusamareb iyo Xarunta la filayo
in UN-ku xafiis ka samaysto.
