Guddiga qaban-qaabada munaasabadaha xuska Maalmaha xorriyadda Dalkeenna ayaa Xalay kormeer ku tagay qaar ka mid ah xarumaha loo diyaariyay in lagu qabto munaasabadaha.
Guddiga ayaa sidoo kale socod Indha-Indheyn ah ku maray qaar ka mid ah Waddooyinka Magaalada Muqdisho, iyagoo kormeeray goobo fara badan oo aad loo qurxiyay kana muuqdaan Calanka Soomaaliya iyo Boorar ay ku xardhan halku dhigyo ka tarjumaya xorriyadda.
Related posts
Wasiirka warfaafinta Soomaaliya, ahna guddoomiyaha guddiga qaban-qaabada munaasabadaha, Wasiirka Haweenka iyo xuquuqul Insaanka, Wasiirka Shaqada iyo arrimaha Bulshada, Wasiirka Dhallinyarada iyo Ciyaaraha, Taliyaha Ciidanka Boliiska, Taliyaha Asluubta,Guddoomiyaha Gobolka Banaadir, ku xigeenkiisa arrimaha Bulshada, Guddoomiyaha Ururka Haweenka Gobolka Banaadir.
Basma Caamir Shakeeti, Guddoomiye ku xigeenka arrimaha Bulshada Gobolka Banaadir, ahna Guddomiyaha Guddiga qaban-qaabada xuska Maalmaha xorriyadda ee Gobolka Banaadir ayaa sheegtay in ay Dhiseen Waddooyin qaarkood ay Laamiyo yihiin, in ay Calameeyeeyeen hareeraha Jidadka iyo nadaafad guud oo ay ugu tala galeen in xuska Sanadkan uu ku dhaco jawi wanaagsan.
Waxaa sidoo kale dib u habayn lagu sameeyay Taallooyinka ku yaalla Magaalada Muqdisho ee loo dhisay Muwaaddiniintii naftooda u huray xorrimada , iyadoo halkaasna lagu beeray Nalal, Ubaxyo qurux badan iyo Sawirrada Madaxweynaha, si Shacabka Soomaaliyeed ay wada jir ugu debaaldegaan.
