Waxaa goor dhow la soo geba-gebeeyey codeynta doorashada guddoonka baarlamaanka Galmudug,iyadoo la doortay guddoomiye iyo kuxigeenadiisa.D
oorashada guddoomiyaha Waxaa Codaysay 89 Mudane oo ka tirsan Baarlamaanka Galmudug, waxa ayna u codeeyeen laba Mushasrax oo kala ahaa Dr Maxamed Nuur Gacal iyo C/naasir Aadan Cusmaan oo kala heley sidan,C/naasir Aadan Cusmaan waxa uu Helay 34 Cod Halka Dr Maxamed Nuur Gacal uu helay 54 Cod,waxaana xumaaday 1 Cod sida Guddigu Sheegay sidaasina waxaa Guddoomiyaha Baarlamaanka Galmudug ku noqday Dr Maxamed Nuur Gacal.
Intaasi kadib Waxaa loo gudbay Doorashada Guddoomye ku-xigeenka 1aad ee Baarlamaanka Galmudug oo u tartantay Laba Xildhibaan oo kala ahaa Saadaq Sh Yuusuf iyo Xildhibaan C/llaahi Xirsi Maxamed.
Cod bixinta ka dib waxaa doorashada Guddoomiye ku-xigeenka koowaad ee Baarlamaanka Galmudug ku guuleystay, C/llaahi Xirsi Maxamed, isagoo helay 59 cod, halka musharaxa la tartamayay oo ahaa, Saadaq Shiikh Yuusuf Ibraahim uu helay 29 cod, waxaana xumaaday Hal cod.
Xilka Guddoomiye ku-xigeenka 2aad ee Baarlamaanka Galmudug ayaa isna waxaa ku loollamay , Maxamed Shiikh Axmed Maalin iyo Faadumo Cabdi Cali.
Waxaana tirinta codadka ka dib xilkaasi ku guuleysatay, Faadumo Cabdi Cali oo ahayd Haweeneyda keliya ee ku jirtay musharaxiinta Guddoonka Baarlamanka Dowlad Goboleedka Galmudug.
Maalmaha soo socda ayaa lagu wadaa in la guda galo doorashada Madaxweynaha Galmudug iyo ku xigeenkiisa.
