Taliska ciidanka X.D gaar ahaan Guutada 5aad, Q-27aad ee ciidanka Dhulka ayaa hawlgalo Burburin ah ka sameeyey degaanada Baar, jaambayrow, iyo caloolacad, oo hoos yimaado magaaladda Baladweyn ee Gobolka Hiiraan.
Hawgalkan uu hoggaaminayay Taliyaha Guutada 5-ad, Q-27-aad ee Ciidanka Dhulka ayaa ujeedkiisu ahaa Burburinta goobaha ay nabadiidku ka dhigtaan gabaadka ama ay ku dhuumaaleystaan, intii uu hawgalka socday Ciidanka ayaa guri guri u baaray guryihii ku yaalay degaankaas.
Intii lagu guda jiray baritaanka ayaa waxay ciidanka ku guulaysteen in ay burburiyaan goob ay nabadiidku ku farsamayn jireen walxaha qarxa iyo goob ay ku kaydin jireen dawooyinka iyagoo ka baxsaday goobta markii ay ka war heleen dhaq dhaqaaqa ciidanka.
Hawlgalkan ayaa wuxuu qayb ka ahaa hawlgalo lagu baacsanayo nabadiidka Al-shabaab oo wali ku dhuumaalaysanaya qaybo ka mid ah Deegaanoka tiro yar oo ka mid ah Gobolka Hiiraan
