Munaasabad isugu jirtay daah furka Barnaamijka Caafimaadka Bulshada ee CHASP wajigiisa 2-aad iyo wareejinta gaari kuwa gurmadka deg degga ah oo ka howl bilaabaya Isbitaalka guud ee magaalada Cadaado ayaa si rasmi uu u daah furay Wasiir ku-xigeenka caafimaadka Soomaaliya Dr. Axmed Xuseen Macalin.
Waxaa Dib u habeyn iyo dayactir lagu sameynayay Isbitaalka Cadaado , kaasi oo isugu jirtay soo celinta bilicda Isbitaalka iyo interlock la saaray dhamaanba barxada isbitaalka, waxaana howlahan ay qayb ka yihiin dadaalka baaxadda leh ee ay waddo Wasaaradda Caafimaadka Galmudug oo gacan ka helaysa Dowladda Sweden iyo hey’adda save the Children.
Nuur Yarow Xayle Shaarba-Cade Guddoomiye ku-xigeenka Cadaado iyo Dr. Ayuub Cabdilqaadir Agaasimaha Guud ee Isbitaalka Cadaado ayaa kaga mahad celiyay Wasaaradda Caafimaadka Galmudug sida ay mudo kooban wax kaga badashey howsha Isbitaalka Guud ee Cadaado.
Wasiirka Caafimaadka Galmudug Dr. Cabdiwali Cabdulaahi Jaamac iyo lataliyaha arimaha bulshada ee Xafiiska Madaxwaynaha Jamhuuriyadda Federaalka Soomaaliya Mudane Cali Faarax Seeraar, oo ka waramey isbadalada mashaariicdan ay keeneen ayaa ku dhiiri galiyay bulshadu in ay taageeraan howlaha horumarinta caafimaadka.
Dr. Axmed Xuseen Macalin Dr. Gurrey Wasiir ku-xigeenka Caafimaadka Xukuumada Federaalka Soomaaliya ayaa ugu dambeyn si rasmi ah u daah furay mashaariicda caafimaad eel aga hirgelinayo isbitaalka guud ee Cadaado.
Mas’uuliyiintan ayaa gaban gabadii munaasabada si wadajir ah u kormeeray qaybaha Isbitaalka Cadaado oo Agaaaimaha Guud ee Wasaaradda Caafimaadka Galmudug Dr. Abdiwali Maxamed Axmed uu warbixin ka siiyey Madaxda sida wanaagsan ee wax looga qabtay adeegyada isbitaalka muddadii koobneyd ee Wasaaraddu gacanta ku heysay maamulka isbitaalka.
